سنة 2005 نظمت احدي شركات التدريب حدث تدريبي ضخم في أمريكا.. واتنقل لدول كتير من خلال الـ

video conference

.. الحدث اتكلم فيه 3 من أشهر الشخصيات فى العالم ... جاك وولش .. رودى جوليانى .. و ستيفن كوفى

اللى لفت نظر الحضور يومها جدا ..كان المتحدث التاني... "رودى جوليانى" عمدة نيويورك الاسبق أثناء أحداث 11 سبتمبر

و علي الرغم ان ستيفن كوفي (المؤلف و المدرب العالمي.. صاحب كتاب العادات السبعه الشهير) كان بيترتبله انه يبقي نجم اليوم ... إلا ان جولياني كان ليه راي اخر .. لانه اتكلم عن اسرار التعامل مع الازمات الكبيرة اللى محدش بيبقى عامل حسابها

جولياني لما اتسأل عن ايه اكتر تصرف أو إجراء ركز عليه عشان يعرف يتعامل مع كارثة سبتمبر ... الراجل رد ان مبدئيا كده الإجراء ده اتعمل قبل وقوع الازمه اساسا.. و اكد علي حاجه واحدة هي اللي تسببت انه يظهر هو وفريقه كما لو كانوا مرتبين و مجهزين خطة متكاملة للازمة الغير متوقعة

الإجراء ده كان ببساطة انه بيجمع كل مجموعة مختصة بادارة قطاع معين فى الولاية...ناس ليهم نفس الدماغ.. زي مثلا مجموعة مختصة بالبنية التحتية.. واحده تانية للصحة والمستشفيات.. واحدة تالتة معنية بالازمات الاقتصادية.. وهكذا.. ويخليهم يتكلموا مع بعض ويجهزوا خطوات وافكار و سيناريوهات وخطط صغيرة سهلة التنفيذ.. للخروج من اي ازمة في اي قطاع فى الولاية اللى تحت ادارته

الافكار والسيناريوهات الصغيرة دي كانت بتشكل مصدر ضخم بيحتوي علي عدد كبير جدا من الخطط اللى ممكن يحصل تكامل بينها وبين بعضها في حالة حدوث اي ازمة مكنش مترتب لها مسبقاً.. جوليانى قال ان اجتماعات العقول المتشابهة بما تحوى من خبرات كبيرة .. كانت هى المخرج الحقيقي

أثناء رحلة السير لتحويل شغفك لمشروع ناجح بنتعرض لمواقف صعبة و تحديات كتير بتبقي محتاجه حلول مختلفة

و كلمة مختلفة هنا مش شرط تكون معناها حاجة مبتكرة او جديدة تماما .. انما المقصود تكون افكار نابعة من عقول بتفكر بنفس الدماغ.. ناس عندها نفس الاتجاه في الحياة .. قلوب بتحلم نفس الحلم عندها اهداف متشابهة الي حد كبير

عشان كده بننصح دايما انك تقرب و تحاوط نفسك بناس عندهم نفس شغفك ومهتمين باللي انت مهتم بيه.. تواجدك مع اللي شبهك هيخليك جاهز .. جاهز بافكار و اختيارات كتير.. حتي قبل ما تواجه التحدي.. وده في حد ذاته هيديلك ثقة في نفسك ملهاش حدود و أمل كبير في بكرة ...وقدرة علي تخطي العقبات بكل انواعها

في المثل الشعبي بيقولوا "ياما في الجراب يا حاوي" تعبيرا عن الكثره و شدة التنوع

وهو ده تحديدا اللي هيحصل معاك لما تلقي لنفسك مكان وسط الناس اللي شبهك و مصممين يكملوا سعي في نفس الطريق اللي شغفك متعلق بيه

جراب عقلك هيتملي افكار و حلول و خطوات تسهل عليك السكه كتير و توصلك من اقصر الطرق وترحمك من مشقة المشي لوحدك في الوقت اللي تبقي محتاج فيه لناس تدلك علي الاختيار الصح و تساعدك انك تكمل طريقك لغاية النهاية

احنا حاليا بنظم لسلسلة

Networking Events

اللى هيتجمع فيها الناس أصحاب الشغف الواحد عشان يتبادلوا الافكار و يستكشفوا مع بعض اخر التطورات فى كل مجال ... دي مش هتبقى مجرد فرصة للتواصل و بناء علاقات عمل .. انما احنا هنظم اليوم بحيث انه يشتغل كبوابة كبيره هتعبر بيها لابعاد جديدة فى شغفك مكنتش شايفها قبل اليوم ده

==============================================
التفاصيل

==============================================

الشغف: الكتابة

الميعاد: السبت، 28 يوليو، من 11:00 ص - 2:30 عصرا

التاريخ: 28 يوليو

اخر معاد للحجز: الأربعاء 25 يوليو

100 EGP for Passion To Profit Club Members

150 for Non-Club Members

للحجز اتصل بينا على

01020826426

من 3:30 الى 9:30 مساءاً كل يوم ماعدا الجمعة

HELP US SERVE YOU BETTER

Please share your feedback and ideas to help us improve the way we serve you