Return to site

 

ليه العميل مش بيشتري؟

من أكبر الأسباب اللي بتخلي أصحاب المشاريع الصغيرة يتجنبوا عملية التسويق ويشوفوا حد تاني يعملهالهم هو الرفض

يا إما خايفين من الرفض، يا إما تعبوا من الرفض

عندهم شبه عزة نفس بتخليهم مش بيحبوا يعرضوا شغلهم لحد ويلاقوا النتيجة إن العميل يرفض يشتري

خليني أقولك السببين الرئيسيين اللي بتخلي أي عميل في أي بزنس مابيشتريش المنتج المعروض عليه

١. مش قادر

مش قادر معناها إنه مهما كان فعلا مقتنع ومحتاج اللي بتقدمه، هو فعلا ممعهوش ثمنه.

وده مافيش في إيدك حاجة تقدر تقدمهاله لإنه في الأساس لا يعتبر عميلك المثالي

لإنه لو من الشريحة اللي إنت أصلا بتستهدفها، يبقى غلطة كبيرة منك إنك سعرت المنتج بتاعك بقيمة أكبر من حدود قدراته

٢. مش جاهز

وهنا بقى الشغل كله

العميل لسة ما يعرفش عنك وعن المنتج اللي بتقدمه كفاية لدرجة إنه يثق فيك ويختارك دون أي منافس ليك

وبالتالي عملية التسويق هنا بتكون عملية تعليمية بحتة … مش عملية تجارية

إنت بتدي العميل بتاعك كل المعلومات اللي محتاجها علشان يقدر ياخد القرار إنه يتعامل معاك وإن الحل اللي بتقدمهوله هو أفضل حل وسط البدايل التانية المتاحة

علشان كدة الرفض هو أداة بتخليك تطور البزنس بتاعك وتخليك تعرف إنت محتاج تعرض منتجك إزاي والمعلومات الناقصة اللي عميلك محتاج يعرفها علشان يثق فيك وفي العرض اللي بتقدمه

إنت كصاحب مشروع لازم تسمع كويس لعميلك وتنتبه كويس للرفض … علشان كل معلومة ناقصة هتضيفها لخطتك التسويقية هتقلل عملية الرفض وتخليك قادر توصل لناس أكتر وتفرق في حياتهم بالقيمة اللي بتقدمها

لمزيد من أسرار تسويق المشاريع الصغيرة، بدعوك للاشتراك الآن في

Passion Marketing Mastery Online Course

الكورس هيساعدك تحط نظام تسويق متكامل لمشروعك خصوصا لو إنت عامل مشروع في مجال إنت بتحبه وبتبدع فيه بس للأسف مش واصل للناس زي ما يستحق

#marketing_secrets

محمد تهامي

All Posts
×

Almost done…

We just sent you an email. Please click the link in the email to confirm your subscription!

OK