Return to site

سبب خفي ممكن يخسرك مشروعك الخاص

في مكالمة زمان مع واحد من الـ
Business Coaches
اللي ساعدوني في رحلتي

كنت بقوله إني مكسوف أتكلم عن شغلي … مش بحب التسويق والبيع ومابعرفش أتكلم عن نفسي وعن الحاجات اللي بقدمها

مش بحس إني مرتاح … بحس إن الناس هتقول عليا بياع

ساعتها ضحك وقاللي جملة عمري ما بنساها

“لو مش هتتكلم عن شغلك يبقى إنت ظلمت نفسك وظلمت الناس معاك”

ساعتها استغربت من الكلمة

طيب ظلمت نفسي ومفهومة … إن أنا عندي شئ قيم جدا عملته وتعبت فيه لكن مش مديله حقه علشان مكسوف اتكلم عنه

لكن ظلمت الناس إزاي؟

قاللي ... إنت بتقدم حل لمشكلة عند الناس … لو اتكسفت تقوللهم إن عندك الحل هيفضلوا يعانوا وإنت هتعاني

وفي النهاية مشروعك هيقفل وهما هيفضل عندهم المشكلة

أو هييجي حد غيرك عنده حل أقل جودة منك بكتير لكن علشان اتكلم عنه ووصل للناس هيشتروا منه هو ... وللأسف هيقبلوا بجودة أقل لإن مش شايفيين بدايل أخرى أو مايعرفوش إن عندك الأفضل

فاهتمامك بعملية التسويق هو مسؤولية وواجب تجاه العملاء اللي انت بتستهدفهم

المجهود اللي بتبذله علشان توصل للناس وتتكلم وتعرض شغلك باحسن شكل ممكن علشان يثقوا فيك ويشتروا منك ده واجب عليك

والتسويق مهارة مكتسبة تقدر تتعلمها في أي وقت علشان تنقل مشروعك لمستوى تاني خالص وتقدر تكبر وتخدم ناس أكتر

لو عاوز تتعلم ازاي تعمل نظام تسويق متكامل لمشروعك ببساطة وبدون تعقيدات الدراسة الأكاديمية، بدعوك تشترك في
Passion Marketing Mastery Online Course

http://www.tohami.com/pmm-course

الكسوف ممكن يكون سبب كبير في فشل مشروعك الخاص

فبلاش تتكسف وافتكر إن التسويق واجب عليك

محمد تهامي

All Posts
×

Almost done…

We just sent you an email. Please click the link in the email to confirm your subscription!

OK